有鑊氣-酸菜魚 (大全街)

营业中

休息中

今日朋友带领去大角咀食晚饭。奥运站行几分钟就到，有座位就睇下食咩先。最后点了生磨杏汁润肺汤，干隆盐水鹅皇，冰镇咕噜肉，老坛酸菜鱼，黑镇脆豆腐，生炒腊味糯米饭。天气热点下饮品，青岛啤酒，珍宝柠檬水，珍宝柠檬茶。青岛啤酒解暑一流，珍宝柠檬茶/水真系好珍宝。除左大一只杯仲有好多柠檬。生磨杏汁润肺汤：香浓杏汁味道加上鸡脚，猪肉，猪肺丰富既材料炖出来。肉汁香加上杏汁香真的很夹。干隆盐水鹅皇：盐水鹅肉质好，好香鹅肉味道。鹅肠爽口，鹅肝香，鹅肾爽口弹牙。冰镇咕噜肉：一出场仙境咁有仙气（冰）,咕噜肉肉质好外脆内热。仲有青提子食。老坛酸菜鱼：酸辣度岩岩好，唔会太over。配起鲈鱼肉起片厚度岩岩好，唔会一夹就散又可以入到酸辣味道。黑钻脆豆腐：外脆内热既豆腐，都好可口。生炒腊味糯米饭：腊味爆得够香，糯米饭炒得唔会太油但又香口。