楓 (已結業)

Facebook看见此舖头有加拿大海胆做优恵，路经佐敦咪走去睇下。舖头细细主要售卖冻肉，我当然问海胆有无货。店员取出几板货俾我，我攞咗一板最干身的。另外，店员sell我特价饮品及芝士蛋糕，见女朋友钟意食甜品又唔贵，就买2件逗下女友开心。终于返到屋企开餐，D加拿大海胆真系好肥美。一啖食落口，好浓的海水味再加上极浓的海胆鲜味，正呀！D海胆质感非常粘口，D海胆的鲜味留系口腔内好耐好耐都唔散，我同女友两三下就食完整盒海胆。虽然个海胆都几腻，女友依然要开个cheese cake试下。lemon blueberry 的芝士蛋糕，好重blueberry的香味，蛋糕也算滑，但芝士味就不太浓，$14件蛋糕的质量已算不错。