豐盛閣

营业中

休息中

放暑假，见亚女未去过马湾，我地一家去一日游，行下沙滩🏖欣赏夜景🌃，去到挪亚方舟好有渡假Feel😍 今次仲去挪亚方舟度假酒店一家人食dinner buffet，仲可以一路食一路睇靓靓风景，有180度全海景，仲有青马大桥嘅夜景，睇住靓景心情都特别开心。 今次酒店推出「盛夏果漾海鲜自助晚餐」，岩哂喜欢海鲜嘅我地，自助餐有好多款式，有波士顿龙虾🦞、面包蟹🦀、长脚蟹🦀、翡翠螺🐚、香煎鸭肝、刺身等等，仲配埋水果调配嘅酱汁，非常醒胃。 除左海鲜，仲有好多以果漾为主题嘅佳肴，我就好喜欢士多啤梨酱烧杜洛克猪排骨，啖啖肉又软腍，老公喜欢脆炸咸猪手配香芒黄梅酱，够惹味又唔会腻，亚女见到甜品就心心眼，有最喜欢嘅Movenpick 雪糕，千层蛋糕又香滑，我就喜欢榴梿布甸，榴梿味香浓。