合利潮州打冷飯店

营业中

休息中

冇谂过一餐高水平嘅潮州菜价钱会咁平，今晚叫咗三样嘢食，夹埋竟然唔使三百蚊落楼真系好抵°一心其实系谂住嚟呢间帮衬佢嘅水瓜烙，不过食到一半先至发现佢好似系九肚鱼烙，畀钱嘅时候又唔记得同老板娘讲，希望佢冇收少我钱啦，始终呢啲老实小店真系要真心支持°讲返佢个九肚鱼烙先，材料好足好新鲜，粉浆唔会太厚，唔会一味净系食咗面粉食唔到九肚鱼同埋其他嘅配料，真心赞°第二度𩠌系芥兰炒牛肉，用返有潮州特色嘅沙爹酱特别正°最后一度系糖醋面，煎得够香够干身，而且又唔系太多油，加上砂糖同埋醋就无敌啦°