紅橋餐廳

营业中

休息中

呢间红桥对正广福道嘅巴士站，要搭巴士出城喺度入油最就脚。佢哋啲装修同卫生以茶记嚟讲几企理的。虽然唔少营养师成日话茶餐厅嘅早餐唔健康，作为香港人，又真系唔想呢种平靓正嘅文化消失㖞。尤其而家租金贵成本高，午市晚市都系用急冻肉嘅年代，早餐起码都有只新鲜蛋食下。当连锁集团嘅肠蛋包+汤面嘅组合已经迈向四十大元，又未必有得配公仔面，更反映茶记早餐系几咁不可取代。$34 有牛角包+炒蛋+香肠组合，同埋一碗面。牛角包应该系其他地方交嚟，比起一般茶记嘅牛油多有诚意，算系松化但可惜唔系热嘅。香肠都系行货，好在煎得够香。个炒蛋就真系几好，唔会炒到全熟，依然嫩滑有蛋香，份量亦足（差唔多系连锁集团嘅double），好满足。面有鲜牛肉米线拣，牛肉虽然系新鲜货但冇乜牛味。咁嘅价钱都唔会期望有靓牛肉。