楚撚記大排檔 (馬頭圍道) (已搬遷) 新店位置

等左一粒鐘，就算好餓好餓都堅持到底，為左想試下個味道。探究點解多人等候嘅原因。最後終於一粒鐘後有位啦，入座後發現每一枱客都有叫豬手食，當然要試下啦。誰不知個豬手好脆，唔似其他餐廳豬手咁咬到牙膠都甩都仲咬唔到，佢真係做到咬落去好脆，仲有啲膠質咁。配上夏日必備嘅啤酒，正係夏日消暑聖品！店舖有個女仔，好有禮貌，每次上菜都好有禮貌地笑住移好位置，好少餐廳會有咁禮貌嘅侍應。最後埋單時，佢仲好有耐性的等我們搵銀仔，仲笑住同我哋講慢慢唔好急。咁好生意仲要咁有禮貌！好好呀！