民泰四七 (已結業)

今日约咗旧同事食饭聚吓旧，事关佢有小朋友，要睇到佢先生放工返嚟先可以出嚟，所以呢啲单身人士就去黄埔同佢食，今次食饭地点佢选择，呢间西班牙餐厅新开无耐，佢话佢都未试过，所以我地决定去试吓餐厅都几舒服，枱同枱中间空间都好大，可能当日唔系星期五至日，所以客人比较少，所以都几适合倾计荔枝茉莉花茶 - 起初我地无搅过嚟饮，就觉得茶味太浓，荔枝味欠奉，点知经店员提点之后，味道加倍，好清新甜味洋葱汤 - 我一向都唔食洋葱，但系呢个洋葱汤真系劲好味，好清甜，好香洋葱味意大利肉丸 - 呢个肉丸非常好味，大大粒，但系唔会太实，而且好香，我错经睇过节目，最正宗嘅意大利肉丸，系要用猪肉加牛肉同埋小牛肉去做，呢个唔知系唔系呢﹖佢个蕃茄酱汁唔会太酸，同埋好多茄蓉，配埋呢个肉太真系好夹西班牙汴鲜焗饭 - 我非常钟意食海鲜焗饭，平时去都好少去食西班牙菜，今次有机会食到西班牙式焗饭，觉得好新鲜，饭同汁比例好好，唔会太湿，但系味道亦都好好，好香蕃茄味，另外都有好多海鲜，有白蚬、青口、大虾，重有好多车厘茄鲜菌黑松露扁意粉 - 哗……呢个真系不得了，我非常钟意，因为佢酱汁非常浓郁，好香黑松露味，扁意粉好香蛋味，亦都好弹牙