餃子館

营业中

休息中

住系天水围都十几年，一路睇住呢区餐厅越开越多，今日衬住放假，就去新北江睇下有咩食。经过饺子馆，之前都系面书见过有介绍，咁就入黎试下啦。餐牌有多款饺子拣，如果想试晒咁多款仲可以叫八式拼盘，亦可以选择净食饺子或者加面。见今日唔系咁肚饿，就选择食净饺子，拣左8只粟米香菇猪肉饺。上台时香喷喷热辣辣，饺子馅料十足，食落有粟米甜味，再加上菇既香味，话咁快就食晒8只。食完饺子后，记得饮埋碗入面既鱼胶淮山翅骨汤，非常鲜甜，全无味精，饮完都唔会好口渴。餐厅座位唔多，午饭时间可能要等等位，另外如果想买返屋企既，呢度都有生饺卖，买黎煮面同打边炉就一流啦。