滿江紅小甜甜 (已結業)

朋友约放工食饭，拣左一间叫满江红小甜甜嘅餐厅，系食川菜嘅，上网睇下餐牌，啲野好似好好食咁㖞，一于一齐试下佢。跟住地址黎揾，附近啲餐厅都灯光火猛，唯独小甜甜门牌唔用灯箱，好彩地下有射灯，真系唔多显眼呀。🌶️麻辣凉粉落完单就倾下偈等食，估唔到啲菜好快上㖞，先黎份冷盘麻辣凉粉，少麻少辣好啱口味，仲有生蒜香，凉粉爽口滑溜，作为开胃菜真系唔错。🌶️麻辣肥肠煲哗～好多大肠正呀，处理得干净无异味，酱汁入晒味好好味，加上大肠嘅口感真系无敌正，煲底有少量青瓜、薯仔同萝卜条，吸饱酱汁都好好食，由其系萝卜，特别鲜甜呢。🌶️干锅菜花菜花炒得好香口啊，仲有腩肉一齐炒，辣椒惹味，再加埋猪油嘅甘香，另到呢碟菜花色香味俱全，好食！🌶️火爆牛肉再点左碟牛肉，店员告知呢味会比较辣，好吖，试下佢先，返正朋友尝辣应该无问题嘅。入口第一口系甜嘅，之后啲辣味就出黎啦，又甜又辣唔止夹，仲好好味添。牛肉厚切有咬口，糖面脆脆地，牛肉嫩滑，口感相当丰富，个人黎讲唔算好辣，食完唔使饮野先啦。🍚白饭啲𩠌咁正真系忍唔住要叫白饭，汁都捞埋好满足。🍹珍宝青柠树朋友点嘅青柠沙冰，用大啤酒杯上，酸酸地加上冰冰凉凉，啱晒食辣野饮呀。🍹木瓜奶自己就点左杯木瓜奶，