雷公子海鮮串燒大排檔 (已結業)

同老公起又一城行完街，顺路就去咗九龙城揾野食，今次就试下泰菜以外嘅选择。我哋叫咗牛油蒜蓉烧扇贝，$48一只，好香牛油同蒜蓉味，扇贝好大只，好厚肉，而且好鲜甜。原来9点后做特价1蚊1只添。 银山火焰桶蚝，上台果阵仲著住火，视觉上已经系好好嘅享受，食埋入口就更加好食，外面有少少焦脆，入面蚝味足之余仲好多汁。豉油皇龙须炒面，龙须其实就系鱿鱼须，炒面非常爽身，食到底都见唔到好油起碟底，非常出色，尽显大厨功架。