影片
更多
2016-07-16
133 浏览
美味秘笈细个嘅时候有无谂过自己会系武林高手？轻工了得，可以好似六师弟甘，稳重的身型都可以见步如飞？呢个甘嘅想法我会每个人都会有。点解我会忽然谂起！？因为我巧遇了美味秘笈，哈哈。呢到嘅菜单相当有风味，以传统的中国书册做招来，外面蓝色盖面，右上角写了美味秘笈四个字，每掀开一页就了似自己练紧工一样，睇𠮶时既要庄重，又要严谨，说不定会练成大功夫来！哈哈，说笑吧！整个餐厅以怀旧式茶楼设计为主，又融入了一些现代的元素，坐下来既有怀旧嘅感觉，又不失现代的舒适感。亮点系我很喜欢装著菜单的信箱，是旧式铁信箱，感觉好有性格！菜式叫了一系列的中式小菜，椒盐鲜鱿--必食的功夫小菜，真系小d功力都炒唔出𠮶种甘香嘅味道，鱿鱼炸完之后都唔觉韧，外层好脆，另外再加上劲香嘅椒盐味道，咸咸香香辣辣的，一流！炸豆腐--另一种最爱，识煮饭嘅我，最唔中意就系煮有豆腐的菜式，因为旧豆腐未煮，切𠮶阵已经会烂一两旧。。再莫讲话煮出嚟。呢到炸完件豆腐，一粒粒完整无缺，外面有层薄脆包住，入面香滑无比，真系用筷子夹夹得唔好都会烂，煮到甘正，神级啊。。烧叉烧--半肥瘦的刚好，食落还有微温。有浓浓嘅叉烧香味，外层光亮有一丝甜味，上碟时伴有豉油
细个嘅时候有无谂过自己会系武林高手？轻工了得，可以好似六师弟甘，稳重的身型都可以见步如飞？呢个甘嘅想法我会每个人都会有。点解我会忽然谂起！？因为我巧遇了美味秘笈，哈哈。
呢到嘅菜单相当有风味，以传统的中国书册做招来，外面蓝色盖面，右上角写了美味秘笈四个字，每掀开一页就了似自己练紧工一样，睇𠮶时既要庄重，又要严谨，说不定会练成大功夫来！哈哈，说笑吧！
整个餐厅以怀旧式茶楼设计为主，又融入了一些现代的元素，坐下来既有怀旧嘅感觉，又不失现代的舒适感。亮点系我很喜欢装著菜单的信箱，是旧式铁信箱，感觉好有性格！
菜式叫了一系列的中式小菜，椒盐鲜鱿--必食的功夫小菜，真系小d功力都炒唔出𠮶种甘香嘅味道，鱿鱼炸完之后都唔觉韧，外层好脆，另外再加上劲香嘅椒盐味道，咸咸香香辣辣的，一流！
炸豆腐--另一种最爱，识煮饭嘅我，最唔中意就系煮有豆腐的菜式，因为旧豆腐未煮，切𠮶阵已经会烂一两旧。。再莫讲话煮出嚟。呢到炸完件豆腐，一粒粒完整无缺，外面有层薄脆包住，入面香滑无比，真系用筷子夹夹得唔好都会烂，煮到甘正，神级啊。。
烧叉烧--半肥瘦的刚好，食落还有微温。有浓浓嘅叉烧香味，外层光亮有一丝甜味，上碟时伴有豉油，捞下饭都唔错。
鱼香茄子--茄子唔同人食又唔同的口感，有人中意食好淋，话煮得淋会入味d。我就中意食外软内爽的那种，这里的正合我口味，而且不用煮到好淋，已经够入味。再配上肉碎同咸鱼香味，超好食！
蒜蓉炒菜心--不用多说，餐厅食嘅炒菜就是无得输，无论点炒都好食。
点多支细支装可乐，爽一下！练成武功了！立刻体力大增，四肢充满力量哈哈。下回再一次过来，务求达到最高境界，更上一层楼，哈哈。。
张贴
