麵屋一平安 (已結業)

星期日5点几同朋友喺附近睇完戏，尖沙咀食个早饭希望易揾位d，因为最近成日食西餐，想转下口味食日本拉面，朋友话美丽华商场有间好味嘅日本餐厅，决定行过去睇下餐牌先。餐厅喺商场二楼，门口放咗menu，俾个二人拉面套餐($288/2位)吸引咗，包2个拉面/主食，2款小食同2杯饮品。小食有我喜爱嘅牛舌，价格都算ok，就决定试试。因为只系6点，店入面仲有好多座位。侍应招呼我地坐低，殷勤奉上2杯茶，又贴心俾我地一个篮放手袋，即时加咗分。叫咗2个特制博多猪骨汤拉面，小食就葱花牛舌同鱿鱼筒，餐饮2杯冻柠茶。拉面卖相同味道一样吸引，原块紫菜做装饰，猪骨汤底好香浓但唔咸，拉面Q弹，温泉蛋嘅糖心超正，几片肥义烧排列得整整齐齐，软滑唔肥腻期待嘅葱花牛舌系薄切，入味又弹牙，加咗柠檬汁更清新可口。鱿鱼筒份量唔细， 口感适中，味道都唔错。总结：好饱，味道同招呼都满意，下次会再嚟。