新記雞粥 (筲箕灣道)

营业中

休息中

呢间鸡粥好出名！之前系元朗试过，一试难忘，见到筲箕湾都有分店，特登带屋企人黎食。因为好想试下海鲜粥，所以冇嗌驰名鸡粥。嗌左腐乳通菜，泰式酸辣凤爪，例牌贵妃鸡，姜汁红枣糕。所有粥都用砂锅熬煮，海鲜粥有虾，蟹，鱼片，鱿鱼，瑶柱，用料丰富，粥底清香，绵密。一人分量有D多，两个人岩岩好。招牌贵妃鸡非常好味，唔同于海南鸡或者白切鸡，呢碟鸡肉滑皮嫩，有淡淡酒香，单独点姜蒜汁好味，如果摆在粥上，用粥既温度加热小小，更有种入口即化既口感，一定要试下！腐乳通菜同凤爪味道OK，不过亦无特别。姜汁红枣糕反而非常出色，不输酒楼，滑且韧，仲要调味岩岩好，唔会过甜。两个人完全食唔晒，价钱合理，分量足，值得下次再帮衬。