耆素銀杏館 (已搬遷) 新店位置

餐厅位于一个人流比较稀疏嘅位置，今日放工经过就入黎食。食客唔算好多，可能未系好多人认识或者会尝试素食吧。餐馆有个墙饰系银杏嘅画作黎，代表长寿嘅意思，我喺银杏馆嘅其他餐厅度都有见过。虽然佢地嘅餐厅风格唔一样，但理念就好一致，就系比更多机会老人家工作，发挥佢地嘅长处。喺耆素呢度嘅员工个个都好精灵，快手，仲会同你倾下计，感觉比一般餐厅嘅员工亲切。今日系黎食饭😂点知扯太远，讲返正题先！我叫左个咖喱意大利烩饭，入面有好多材料，而佢嘅素肉系用Omnipork，比起我以前食过嘅Beyond Meat好食，口感更似肉。卖相好好，有高级餐厅嘅feel。口感比一般risotto淋啲，唔太正宗，但我正是喜欢呢种🤣反而正宗嘅我会觉得太硬食唔惯。味道一流，第一啖已经觉得好惊艳，一啲都无夸张。我无谂过会咁浓味，因为我一直对素食都有个固有观念就系好淡味。但呢个饭完美咁重塑我对素食嘅感觉。另外会有个汤可以饮，清甜美味。整体来讲，今餐我好满意呀！