Cafe de Tiffany (已結業)

之前同同事嚟过食lunch，觉得啲食物唔错，而且大件夹抵食，所以今次嚟试吓晚市。跟餐有烘过嘅黑糖面包，好松软，热热地搽啲牛油食，唔错。拣咗红汤白汤各一，推翻罗宋汤，多料而且酸酸辣辣几惹味。纽西兰羊架(3支骨)　$148呢份羊架好有惊喜！叫咗七成熟，羊架肉质嫩滑，口感软腍，肉汁丰富juicy，而且有肉香得嚟一啲都唔膻！点埋啲蒜蓉汁食真系好好食伴碟嘅薯条都好有诚意，系我钟意嘅粗薯，薯味浓郁又香口。可以加$10加饭/意粉，不过净系食羊架同薯条都好够饱。卡邦尼蛋汁意粉　$78之前lunch食过呢度嘅卡邦尼意粉，几好食所以今次又encore。意粉煮得好弹牙，好有蛋香，加咗蛋汁令意粉好creamy！份量好多，食落系满腔嘅芝士味同蛋味，非常满足餐饮拣咗最基本嘅柠水柠茶，睇食评见到雪糕阿华田都好似几正，下次又试吓先最后仲有雪米糍做甜品，饱足。整体嚟讲，呢度食物同环境都几好，座位干净阔落，价钱公道，值得下次再帮衬。