Deep Sea Oyster & Steak

营业中

休息中

今日系圣诞节之后，仍然保留假期嘅心情。想揾间特色西餐厅，喺OpenRice见到呢间隐世西餐厅，所以就book咗枱来食一个二人浪漫晚餐。餐厅入边装修得非常华丽，深绿色嘅贵族梳化椅，配上华丽嘅吊灯，座位宽敞，坐得好舒适，亦都感觉到欧洲𠮶种华丽，而且气氛非常浪漫。我哋叫咗一set 圣诞二人晚餐，因为圣诞节期间，二人晚餐同平时嘅餐牌好似有少少唔同。食材更加名贵、高级。二人晚餐包含沙律、餐汤、前菜、肉食、主食、餐饮。1. 沙律新鲜爽口2. 海鲜面豉汤好鲜甜3. 刺身拼盘 ，有三文鱼刺身、甜虾、螺肉刺身，好新鲜。4. 海鲜拉面，海鲜配合龙虾汤汤底，好正。5. ⁠生蚝分开2款，美国同澳洲，两款都好鲜甜美味，仲保留有海水淡淡的咸味。5. 鹅肝多士，鹅肝入口即溶，外脆内软，非常好味。多士脆卜卜，吸收左鹅肝嘅油份，好香口。非常推介呢味菜式。6. 安格斯肉眼扒，牛扒好新鲜，食到牛嘅鲜味。7. 餐饮：冰冻水蜜桃茶，甜甜地好好味；另外一杯系热嘅花茶，用只蓝色嘅水晶玻璃杯嚟装来盛载，好靓，打卡一流。总结，全部食物都做得好精致，好好味，如果有埋甜品就更加好啦，下次庆祝节日一定要再嚟食。