肉骨皇 (已結業)

星期六中午陪亚妈去大坑睇中医，Lunch首选系肉骨皇，上次食过set lunch 嘅肉骨茶同喇沙都好有水准又好抵食，不过原来午市套餐只做星期一至星期五。唯有睇正式餐牌，menu实在太多选择，最后亚妈话食马拉盏炒萝卜糕，我就打算食青咖喱配白饭！马拉盏炒萝卜糕 $80 星马名菜马拉盏炒萝卜糕，上菜嘅卖相非常靓！顶层有金黄色煎蛋，下面夹住大量芽菜炒杂菜，最底层系大大旧煎到香口嘅萝卜糕，一碟都有大约6-8旧，份量唔好足！萝卜糕沾满咸咸地又甜甜地嘅酱汁，食落去有萝卜丝更显香甜！推介！🍛青咖喱鸡 $98 跟白饭 $15 青咖喱鸡用小铁锅上菜，质感较为杰身，香料嘅味道很香气扑鼻，椰汁分量均匀，显得青咖哩更惹味，啖啖鸡肉软嫩充满咖哩汁，配菜有茄子、豆角、香叶等，加埋白饭一齐食相当美味！