Piccolo Pizzeria & Bar (爹核士街) (已結業)

同老朋友相约系西环畅聚，我地去左一间适合倾偈既餐厅食饭。间餐厅叫Piccolo Pizzeria and Bar，系坚尼地城个边，专食pizza。我地叫左夏威夷薄饼(11寸，HKD 165)，蜜糖鸡肉沙律 (HKD 120)，饮品就要左杂果宾治 (HKD 40)，1664 啤酒 (HKD 62)。先黎既系薄饼，分量大，而且非常热辣辣。一放芝士粉，就即刻溶哂，正。材料有蕃茄酱，巴马火腿，菠萝。巴马火腿肉质非常细嫩，好好味。至于个鸡肉沙律，分量几大，有好多沙律菜，蕃茄同鸡肉，同个酱汁非常配搭。杯宾治就不过不失，而杯啤酒口感就非常厚，正。