小南國 (已結業)

呢晚碌左出沙田，班老友帮我提早庆祝生日。 选择呢到食既原因系想食大闸蟹 ，所以班朋友先攞左位，我六点半就去到，门口好多人等。 我地五个人，叫左个二人大闸蟹餐再加其他野食 大闸蟹四只，鲜甜，但太细只，唔系好够喉。皮蛋豆腐，好好食，豆腐好嫰滑，皮蛋食完齿夹流香。上海炒年糕，年糕好弹牙，配埋雪菜同猪肉丝，成碟都好味，又唔肥腻。卤水猪腩肉，好肥腻的一道，但好香口，食一件就够，底有d菇，好食，可中和下肉既肥腻。炒饭，配搭简单，金华火腿碎同菜粒，好味又唔油。蟹粉豆腐，好食，蟹粉好香，但再多d仲好。蟹粉小笼包，一个小笼跟一个，好别致，咬落去好多汤汁，好好味芝麻小汤圆，芝麻好香好正，太小粒唔够喉，姜汤可再落多d姜仲正！整体好满意，评分8/10好多谢班中学老友，愉快的星期天是也。