樓下冰室 (已結業)

细细个已经好钟意去荃湾揾嘢食，因为荃湾真系好多平嘢同埋高质素嘅嘢食，所以今晚约咗朋友过嚟食饭，因为呢度有我最钟意食嘅蕃茄汤底面。虽然系疫症时期，但系都好多人，平日夜晚都要排队入座，我最钟意食佢个蕃茄浓汤通粉。佢嘅款式真系好多，每次黎亲我都叫蕃茄浓汤螺丝粉，之后再加多个瑞士汁鸡髀，今次再饮埋杯红豆冰，真系好满足。蕃茄汤底好浓郁，同埋入边有啲蕃茄肉，再加埋只滑蛋，真系好好味。另外我哋最钟意食佢嘅鸡髀，啖啖肉，啲瑞士汁好入味，出边啲鸡髀通常整到好硬，好难入口，不过佢呢度就用刀好易切开，好好味。到最后我叫咗杯红豆冰，入边粒粒红豆，红豆嘅份量有成半，真系好满足。