雅高·33

营业中

休息中

今日同朋友落咗荃湾行街，行到有啲攰朋友带咗去食一间好有港式风情嘅西餐，无论价钱同食物质素都非常好，所以喺度推介一下。雅高33 西式餐厅，地址喺荃湾沙咀道328号宝石大厦地下21号舖。餐厅空间感都好足够感觉好整洁，喺度食饭感觉都几舒适。头盘沙律，沙律酸酸甜甜，味都几清新，食完真系特别开胃。蒜蓉包配白汤，忌廉汤入口香甜，好有港式风味，重点就系配蒜蓉包，蒜蓉包上枱已经闻到阵阵嘅香味，食落去好酥脆味道又香，加落忌廉汤一齐食真系一绝。芝士忌廉焗西兰花薯蓉 48元，入口芝士味好香浓，翠绿嘅西兰花食落去好爽口，芝士已经完全融入西兰花同薯蓉入边，味道好有层次。作为芝士控嘅我，真系好钟意食。特式焗蚝 68元，睇见已经流口水，size都算大只，入口味道鲜甜，口感爽脆，加上芝士嘅调味令到鲜味更加突出。美国安格斯牛肉眼扒五成熟配薯菜 268 元，肉眼扒好吸引，入口牛肉味好香浓，牛脂分布比例均匀 ，令到牛肉味更加香口，肉质非常嫩滑，厨师火喉控制得啱啱好，完全将肉汁锁住。黑松露忌廉野菌意大利饭，意大利粉食落去好有口感，烟烟韧韧，黑松露味道好香，配搭埋忌廉野菌，令到个味道更加有层次。