雅高·33

营业中

休息中

今日放假落咗荃湾揾朋友行街,去荃湾真系好方便,又多嘢买又多嘢食,今日朋友带咗我去一间西餐厅,好有港式风情,而且食物质素好好,所以推介一下。雅高33,地址系荃湾沙咀道328号宝石大厦地下21号舖。餐厅地方虽然唔大,但系装修得好整洁,坐得都几舒适。厚切西班牙 I Berico 级黑毛猪 8安士 $278元,黑毛猪煎到啱啱好,完全令口感同味道保持到最佳状态,入口肉味香浓,肉质非常嫩滑,估唔到黑毛猪嘅肉质可以嫩滑同咁爽口,加上少少脂肪,令到味道更香更有层次,呢个黑毛猪真系一试难忘。美国安格斯 CAB级 牛肉眼扒 $268元,肉眼扒非常吸引,上枱已经闻到香味,入口牛肉味好香浓,有入口即溶嘅感觉,煎到七成熟啱啱好,完全将肉汁锁住, 加上脂肪分布均匀,入口牛肉味更加香。基本上唔需要其他调味,食材本身嘅味道已经好正,食得出厨师嘅精心制作。最后来个甜品心太软,热辣辣又香嘅心太软,睇住啲朱古力慢慢流出嚟,入口味道香浓,口感同味道层次都好丰富,作为结尾真系啱啱好，旁边仲有云呢拿味嘅雪糕下次去开荃湾都会帮衬呢间餐厅,无论食材同性价比都非常高,好值得推介。