Elmo's Bistro & Bar (已結業)

今日心情超靓，上完个花艺班，攞咗张证书，终于完成心愿了，跟住约埋学员朋友一齐去食一餐好嘅励奖励自己，之前miss介绍过我哋话呢一间餐厅，食物好好味，我miss系一个好有品味嘅导师，一个对生活质素，非常有要求的人，讲到食更加不用置疑，一入到去，环境优雅舒适，座位宽敞，侍应们 非常有礼，跟住我哋就开始点食物。3Courses Set Dinner＄298/one set先有香脆面包～田园沙律全是新鲜嘅蔬菜，配有一个 餐包，呢个餐包好食到不得了，蒜蓉味香浓，卜卜脆， 清幽橄榄油香，清新怡人。烤纽西兰羊肩肉 一客烤羊肩肉，烤过后散著羊肉幽幽香味，肉质软软腍腍，羊肉味香浓惹味。精选甜品- Cheese Cake 甜品同样出色，有极浓芝士香，滑滑口感，润甜好味。卡邦尼意粉＄108 自家调制卡邦尼酱汁，稀稠相宜，浓郁甘香，非常滋味，意粉时间控制得巧妙，滑捋捋，爽口弹牙。Cappuccino $40 一杯醒神咖啡，香味浓郁芬芳，食饱饱后，饮过呢一杯感觉得好像拥有全世界一样。