影片
更多
2024-10-26
581 浏览
地址－炑八韩烤(黄大仙中心南馆)黄大仙 正德街103号黄大仙中心南馆地下低层LG01号舖近排睇完黑白大厨后就好想食下韩国野，但又唔想自己动手煮公仔面，只好食下烤肉以解思韩之苦啦，一入到去，侍应已经好快咁上左芝士粟米粒同泡菜蛋，之后就开炉，系等待期间仲上埋D前菜同沙律，表示除左沙律外，所有都可以任加，首先讲下沙律先，虽然佢系赠送的，但都绝不马虎，都选用左沙律菜，高成本咁㖞，而佢D前菜味道好唔错，值得推介系腌白萝卜，完全做到清爽之余又唔会太酸，我地都叫左3碟，后期D侍应见到食完都即刻REFILL，劲识做，食左几轮前菜后D炉边芝士同蛋都已经READY，D粟米沾满左D芝士，味道劲香浓，又能做到拉丝效果，而泡菜蛋则令到本身橙红色的蛋增添韩式味道，咸度适中，我地都叫左2轮黎食XD。💋炑八厚切五花腩，呢旧肉真系不得了，原条咁上桌，方便我地因应自己喜好剪成适当的厚度，食落肥瘦均匀适中，唔会话过肥令到成口油，而佢层皮仲有阵烟韧的口感，好特别。💋外裙肉，佢呢D牛肉经过韩式酱料腌制过，食落已经好够味，但亦都因为腌制过的关系，记得要控制好时间，唔系的话会好易㶶，千万唔好问我点解知，呜。💋大八爪鱼(1只)，呢只
黄大仙 正德街103号黄大仙中心南馆地下低层LG01号舖
近排睇完黑白大厨后就好想食下韩国野，但又唔想自己动手煮公仔面，只好食下烤肉以解思韩之苦啦，一入到去，侍应已经好快咁上左芝士粟米粒同泡菜蛋，之后就开炉，系等待期间仲上埋D前菜同沙律，表示除左沙律外，所有都可以任加，首先讲下沙律先，虽然佢系赠送的，但都绝不马虎，都选用左沙律菜，高成本咁㖞，而佢D前菜味道好唔错，值得推介系腌白萝卜，完全做到清爽之余又唔会太酸，我地都叫左3碟，后期D侍应见到食完都即刻REFILL，劲识做，食左几轮前菜后D炉边芝士同蛋都已经READY，D粟米沾满左D芝士，味道劲香浓，又能做到拉丝效果，而泡菜蛋则令到本身橙红色的蛋增添韩式味道，咸度适中，我地都叫左2轮黎食XD。
💋炑八厚切五花腩，呢旧肉真系不得了，原条咁上桌，方便我地因应自己喜好剪成适当的厚度，食落肥瘦均匀适中，唔会话过肥令到成口油，而佢层皮仲有阵烟韧的口感，好特别。
💋外裙肉，佢呢D牛肉经过韩式酱料腌制过，食落已经好够味，但亦都因为腌制过的关系，记得要控制好时间，唔系的话会好易㶶，千万唔好问我点解知，呜。
💋大八爪鱼(1只)，呢只八爪鱼真系打咭作用非常一流，原只咁上桌，都令到我地有点不知所措，但好彩侍应见状都会出手相助，细心地剪成一小口，方便我地烧同埋进食，由于佢又有腌制过关系，我地有左经验，已经知道要小心控制时间，所以烧完都系完美的状态，食落口感仲保持到弹牙，又唔会好淡口，唔错。
💋韩式红虾(3只)，呢3只红虾劲大只，侍应都非常好人地帮手开边，令到里面的虾肉都好快熟晒，食落都FEEL到佢几新鲜，唔觉有”霉”左的口感。
💋海鲜煎葱饼，呢块煎葱饼真系好大块，大块到都令人担心会唔会食唔晒，好彩我地最终都完成任务，而佢块葱饼个边煎都几脆身，而饼底又唔会太湿，佢D馅劲足料，劲多鱿鱼仔，口感好丰富，蘸埋佢个酱汁带点咸咸地咁，几得意。
💋韩国水冷面，系呢个咁热的日子，食个水冷面真系最好的消暑方法，虽然佢个”汤底”好似好清咁，但味道都有点咸味，加埋佢附送的醋同芥末，酸酸地同辣辣地咁，层次丰富，而最估唔到系面层居然有雪梨，令到口感更为清爽，正。
💋蓝天使梳打及朝日有气果酒(清爽鲜柠)，食左咁多野后，叫杯梳打打下咭都系一个唔错的选择，而佢杯有气果酒饮落唔算太重酒精味，饮落有少少柠檬味，我呢D易醉的孩子饮完都冇事，脸都唔红一下，想呃下呵护都唔成功添。
张贴
