Noren (已結業)

Noren系一间日本小店，虽然食物选择唔多，不过胜在够出色。豚肉饭亦系小弟既喜欢食物之一，可是豚肉要煮得好，系好难架，嫩滑唔"鞋"口，而且无渣，真系难上加难。今次呢间既豚肉饭真系好好味，仲画龙点睛，加上一块细细既青椒仔，豚肉肉质好嫩滑，火喉岩岩好，好大块，但系一D都唔薄，可是饭粒就软左少少，如果多少少烟靱感就最好啦。豚肉饭有一个餐，包前菜、酸姜同面豉汤。前菜系大根沙律，好清新，不过系生既白萝卜，可能有好多人都唔会食，隔离两枱就都无食了，其实都几好食架。另一个系佢既招牌焗咖哩饭，配料有几样选择，虾、猪肉同汉堡等等。今次选择了汉堡，由于加了芝士在面既关系，整体感觉上升了，咖哩系日式咖哩，唔会辣，但系又唔会好似平时D日式咖哩咁甜，整体都几好食，但汉堡感觉似肉饼，不过就好好味。由于成个焗既关系，D饭没有豚肉饭的软软的感觉。呢个餐都系配上前菜、酸姜同面豉汤。环境格局好有feel，而且服务几好，价钱又唔贵，可以当系饭堂。更多资料：http://hk.myblog.yahoo.com/zysk-c/article?mid=511