豬手工房

营业中

休息中

今日去位於大圍既豬手工房晚餐。餐廳用左木造彩色的牆壁，配上深色大梳化，同燈光柔和既植物吊燈，裝修很有獨特的風格。除左室內仲有超大既戶外座位，環境很好，好適合一班朋友聚下。黎到當然要食佢最出名既招牌脆爆鹹豬手啦，豬手炸到金黃香脆，外皮酥脆內裡嫩滑，肉質鮮嫩，味道剛好唔會太咸，而且份量十足！加上酸椰菜和芥辣一齊食，完全唔會覺得肥膩，口感一流，非常美味，真係必食之選 。另外，仲叫了香煎牛舌，有五大厚片，下面配有沙律菜墊底，牛舌煎後仍保持肉質鮮嫩，再配上佢地特製的醬汁，令味道增加更多層次，帶來豐富口感，超正。食豬手牛舌梗係要飲下啤酒啦，但平時唔飲開酒既我亦有0%酒精既水蜜桃啤酒作為最好既選擇！雖然係啤酒但亦無乜苦澀味加上有粒粒桃增加口感，非常適合平時唔多喝酒既人同女仔！最後仲食埋個甜品提拉米蘇芝士蛋糕Tiramisu，蛋糕口感幼滑，芝士味夠濃，非常唔錯。這餐廳除了招牌豬手外，仲有好多其他食物選擇，下次一定要再來試下。