芽莊越式料理

营业中

休息中

今日同屋企人黎东荟城行街，行左好耐行到好攰。到咗五点钟左右，就想揾啲嘢食。本来谂住揾下午茶食，不过行咗几间都冇lunch set。最后，就拣咗呢一间越南菜。由于时间只系五点几，所以间舖都冇乜人，唔使等位。但系屋企人话，呢间野夜晚要等好耐位嘅。所以想黎食嘅话，就记得早啲嚟啦。我哋三个人，叫咗两个生牛肉河，同埋一个香茅牛肉捞檬。个生牛肉可好好食，个汤底好有香料嘅香味。啲牛肉亦都非常嫩滑😋😋佢系真系生嘅，落到汤浸左阵，就变成半生熟。而个香茅牛肉捞檬，味道都唔错，但系个人应为个河粉比较出色。东荟城嘅食肆比较少，我谂呢一间都算比较好喇。