Fûhn (The L. Square) (已結業)

最近本人钟意食越南菜，上openrice 揾到时越南菜当然要过来试下啦！餐牌种类很多有汤粉，饭，小食，捞檬，沙律等。。。汤粉的配料九层塔，芽菜，柠檬，青椒和红椒自己加落汤粉度。特式牛汤粉（L)有生牛肉好嫩又香，牛坑腩片又入味又够淋，手打牛丸弹牙又爽口又有肉汁，牛筋片，牛边腩和牛柏叶份量十足。汤底又浓厚又鲜生又不会太咸。柚子鲜虾沙律大大碟，好多鲜柚酸酸甜甜几开胃，虾🦐又弹牙小食拼盆有2/3/4人份量，我叫左2人份量牛油鸡翼炸到好香口，牛油味浓又够味道，手打虾饼啖啖虾肉又够弹牙，春卷又香口蕃茄沙冰好fresh,越式咖啡沙冰好浓咖啡香味。