錦麗 (東薈城名店倉)

营业中

休息中

近排放假都会同朋友去东涌行街,因为东荟城啲嘢又平有多嘢行,最正就系喺附近仲有好多嘢食,呢排我哋经常都会帮衬呢间连锁集团 锦丽 越南菜,餐厅位置 东荟城名店仓7楼,餐厅地方阔落,坐位空间感好足够,职员态度礼貌又好喺度食嘢感觉都几舒适。越式霸气招牌金边粉 ,牛肉上枱仲有少少红,拖一拖过热汤就啱啱好,牛肉食落去非常嫩滑,牛肉味好香浓,食落去又香又嫩腍,加咗葱,越式调味令到个汤底更加鲜甜,金边粉非常幼滑整体配搭得啱啱好。配上越式滴滴咖啡,咖啡味道香浓,带少少甘香,滴滴咖啡时间比较耐。越南咖哩牛筋腩饭,牛筋腩做到好香好软淋好入味,食到满口牛肉香味,配搭上咖哩令到牛肉的香味更加突出,呢度嘅咖哩唔会太辣,咖哩香味比较突出。配越式蔗虾,蔗虾食落去香口弹牙,外脆内热,虾肉味鲜甜,真系香口又惹味。猪肉米纸春卷,春卷皮做到好酥脆,食落去卜卜声,入面嘅材料仲系热辣辣好香口。越式椰青椰汁糕,糕点做到好爽滑,味道好香,食落去椰香味重又唔会太甜。