來多碗車仔麵 (路德圍) (已結業)

荃湾真系好多嘢食，选择又多，今日同个friend 去呢间喺路德围嘅来多碗车仔面，都算系新开嘅，装修几靓，门口红当当睇落似间中华料理多啲，心谂卖车仔面使唔使咁靓装修呀！我个friend 要咗一碗5𩠌面，有猪肠，猪皮，鱿鱼，牛腩，鸡翼 ; 佢话啲𩠌好惹味，最有惊喜系𠮶个秘制辣酱㖞。我都系要咗碗5𩠌面，有牛筋丸，猪手，猪皮，猪红，卤水豆卜；我觉得牛筋丸最正，好爽口，猪手猪皮猪红都好好味，卤水豆卜咸咗少少。呢度啲卡位好阔落，红色嘅梳化令到啲环境好喜庆，可以舒舒服服坐喺度食，唔同出面啲车仔面档咁简陋，以后约朋友倾计又多一个聚脚地喇！