碼頭上魚

营业中

休息中

今日放假喺元朗行街睇戏,睇完戏有啲肚饿喺附近揾啲嘢食下,朋友带咗我去一间食酸菜鱼嘅餐厅,食物质素真系好好。码头上鱼,餐厅喺元朗凤攸南街9号好顺利大厦1座1楼,餐厅地方好阔落,环境装修得好有格调,比到我一种好舒适干净整齐嘅感觉。坐低点咗个午餐老坛酸菜鱼 68元,配白饭,性价比真系好高,酸菜鱼分量好多,鱼肉非常嫩滑,味道鲜甜,值得一赞嘅就系一啲鱼骨都冇大啖肉,加上其他香料令到鱼肉嘅鲜味更加突出。脆皮炸bb乳鸽 58元, bb乳鸽皮炸到好香脆,肉质非常嫩滑多汁,香口惹味。码头无骨花雕醉鸡 58元,花雕味完全渗入鸡肉入面,入口除咗有酒香仲有鸡嘅鲜甜味,鸡肉好嫩滑,鸡皮带点爽脆一啲都唔会油腻,真系好好食。黄金皮蛋 48元,皮蛋卖相更吸引,口感香甜软糯,鲜滑爽口,溏心入口细腻,蛋白晶莹剔透。码头一品米线 83元一品米线材料丰富,有牛肉,芝士肠,狮子狗,鱼腐,贡丸,鱼片头,最钟意就系佢个汤底,入口味道清甜,加上米线煮到啱啱好软硬度适中,值得一试。黄金鱿鱼须 98元, 就鱼炸到金黄色,香脆可口,外层嘅咸蛋黄炒到好香,入边啲鱿鱼须嫩滑爽口,好食到停唔到口,必食推介。