川之源

营业中

休息中

上环一带其实有不少正宗川菜，但绝对需要做功课先揾到，因为佢地通常系楼上舖，唔容易发现，但如果揾到一间高质素嘅，绝对系会满足感爆灯，今次介绍西营盘宝丰大厦1楼嘅川之源。1. 酸菜鱼：份量惊人，大大份之余，仲要有大量鱼肉，选用龙脷柳制作，肉质白滑鲜嫩，每一啖都系鱼肉嘅感觉真系酸菜鱼先做到，不得不提系个汤头真系好正，浓郁，酸味适中，辣度过瘾，仲可以自选大、中、小、BB辣，一定满足到唔同人嘅需要。2. 炒油麦菜：都系大大份嘅一碟，油麦菜新鲜嫩口，唔过火所以入口仍然爽脆，系高质家常菜嘅水平。3. 老干妈炒饭：香港唔多地方有得食老干妈美食，我认为老干妈配搭炒饭就系最完美搭配了，香味互相辉映，厨师炒功一流，成品惹味可口，米饭粒粒分明。推介！川之源位于1楼，环境仲有好高间隔，私隐度极高，食物质素又高，系静静地叹下正嘢嘅好去处。