Hungry Monkey (海之戀商場) (已結業)

今日和朋友到荃灣食晚飯，想食鐵板燒，所以試下Hungry Monkey，店內裝修幾型格時尚，三五知己飲下酒食下野，相當不錯。沖繩風沙律，感覺幾清新，有不同的沙律菜，更有我最喜愛的海葡萄，加上沙律汁，味道不錯，是一個幾好的開胃菜。蟹糕豆腐，幾特別，煎豆腐上有蟹糕醬和蟹子，味道幾特別，幾惹味。香煎焗波士頓龍蝦，都幾大隻，尤其是個蟹鉗好大隻，幾有看頭，當廚師把龍蝦端上，已覺很吸引，要即刻試試，肉質爽口，很新鮮，而且都幾厚肉，幾有質感，果然沒有令我失望。辣酒凍風螺，少少辣，螺肉爽口彈牙，很惹味，送酒一流，有點驚喜。和牛坑腩炒飯，廚師一邊炒，已聞到陣陣的香味，飯粒分明圓潤，有日本粒一貫的香味，坑腩稍為偏肥了點，但幾好味。鐵板梳乎厘，賣相已加了不少分，出奇的軟滑，不太甜，加埋伴碟的水果粒一齊食，味道更佳，值得試試。