紅雞

营业中

休息中

之前下午茶时段都有黎食过佢既炸鸡，觉得几好食。之后一直想试下佢既晚餐，趁今日去开尖沙咀就去左食。炸鸡系黎到韩国餐厅必食既食品，所以叫左无骨炸鸡配椰子片。但好可惜比我预期既失望，因为佢用左椰子片整个鸡皮，令我觉得无左炸鸡既风味，不过可能钟意食椰子既朋友会有另一番风味。虽然个鸡皮一般，但内面鸡肉嫩滑搭够。然后系一大班人不得不叫既芝士蛋卷，个盘好大，份量好多，芝士同柴鱼丝超多。仲叫左泡菜煎饼配五花腩，两样既味道都刚刚好，而泡菜饼既辣度有不一。仲有冷醋鸡汤配面，正常冷面，但都钟意食因为面质较硬，不过如果可以再冷啲就更好。野饮最特别既叫左BAGA Brother soda，好似波子汽水加酒精咁。一开始酒味较重，到饮左一半既时候味道会沟淡左，不过我觉得呢个时候既味最好饮。虽然系有啲贵，但容量超大，可以饮到饱，试得过。最后不得不提佢既环境，系几有feel，比较昏暗。服务员多数系韩国人，要讲韩文或者英文。