濟州燒肉食堂

营业中

休息中

位于德福广场Foodeli嘅「济州烧肉食堂✨」绝对系一个唔可以错过嘅韩烧餐厅！呢间餐厅环境够大又舒适，抽风系统非常好，食完烧肉都唔会有油烟味，真系好适合同朋友聚餐！佢哋主要以韩烧为主，仲有其他韩国料理，例如人参鸡、石头锅饭、泡菜煎饼等等，选择非常多，味道又好味😋！烧肉套餐「尝味济州套餐」🍖🍗抵食又好味，呢个套餐非常丰富，包括一级五花腩、黑毛猪梅花肉、和牛牛五花、安格斯牛外裙肉，仲有苹果梨汁鸡肉等等，无论你钟意边种肉类，全部都超新鲜，肉质滑嫩，烧到香喷喷，真系好满足！主食有「黑米水冷面」🍜，呢碗冷面用咗黑米制作，口感特别，搭配上清新嘅汤底，食落去十分爽口，特别适合炎热嘅日子，真系好解渴！最后，饮品方面，「荔枝梳打」🍹同「青柠梳打」呢两款饮品清新爽口，荔枝梳打香甜可口，而青柠梳打则系酸酸甜甜，啱晒食烧肉嘅时候饮。