阿霞餛飩

营业中

休息中

今日早咗放工，终于得闲去深水埗逛下，顺便睇吓啲电脑同零件。过年睇下出几多花红，都想买部快啲嘅电脑奖励吓自己，依家部电脑打机好似窒住窒住有啲唔畅快。行行吓出到黎竟然落起雨嚟，天气凉凉哋快咗肚饿，见到有间云吞面人少少即刻入去试吓。呢间云吞面舖有唔同种类嘅云吞，小笼包，煎饺等等。林罗满目，谂唔到食乜，叫咗一个虾仁云吞面另外再叫多一碟清蒸饺子有6只。云吞虽然细细粒，但有咬口；面底系上海幼面；够烟靭；碗面个清汤有啲紫菜同葱花，都几好味。至于蒸饺要等20分钟。皮同涵都一般，没有惊喜。两者比较虾仁面抵食啲。行过想食饺子都可以一试。