阿杏飯團 (富華中心商場)

营业中

休息中

荃湾站📍阿杏饭团-呢间饭团想试好耐，经常系Ig被洗版🔥今日做完gym黎个简单快食🍙新宿烧汁牛扒饭团套餐（$57）饭团热辣辣即叫即整，紫菜包住红米饭，配有肉松、油炸鬼、蛋丝、菜脯、生菜等配料，两大片烧汁牛扒，成个口感好丰富🤤牛扒软腍多汁👍🏻本来以为细细一旧唔算太饱，但其实当一个Lunch都得！加埋嘢饮转套餐就有85折，我就要左杯黑糖珍珠奶茶。少甜少冰嘅情况下啱啱好，唔会过甜。茶底略嫌淡咗少少🤏，珍珠烟靭。芝士鳗鱼饭团套餐（$70）女朋友要咗个邪恶套餐，芝士鳗鱼🧀呢个饭团材料比我𠮶个更加丰富，有一大片火腿、鳗鱼、芝士，配料同我𠮶个差唔多，芝士唔系流心个种，系有一片比较完整同厚身嘅芝士片，几有嚼口，连埋沙律酱，邪恶十足！鳗鱼再厚身d更加正，不过成个饭团都爆晒馅，食完真心饱到上心口🤣野饮要左橙意满满，少甜少冰，配埋呢个饭团系Perfect match！极清新解渴，食完饭团唔够5分钟饮晒😎😛环境方面，荃湾店只提供外卖自取，其他分店有少量堂食企位。整体装修简洁，位置十分便利，一出地铁站就系，难怪有咁多街坊帮衬。