影片
更多
2019-07-26
20 浏览
上个月撞正父亲节同阿爸生日，所以要BOOK间好野同佢食餐好既！不嬲都知佢钟意食上海野，所以就上OP揾下有咩好选择。揾下揾下，记得好耐之前，同朋友食过乐天皇朝都唔错，一于去试下先！其实佢都有好多分店，不过最方便的始终系尖沙咀，所以BOOK左加拿芬道果间食夜晚！好在果晚BOOK定位先咁快入得去咋，唔系既话超多人等位，都唔知要排到几时。今餐阿爸话无乜所谓，除得我地排版，话佢乜野都食㖞！既然系咁我就叫D特别少少既，起码平时少食D啦！例牌食上海野，一定系前菜冷盘食先啦。我今次叫左"芝麻酱油麦菜" + "醋酱海蛰头".芝麻酱油麦菜呢个好特别，油麦菜系冷盘黎㖞，用青瓜片将油麦菜卷成一条条咁，点芝麻酱食！咬落索索声好脆口，口感好清新，有D带苦既油麦菜配上芝麻酱又好MATCH㖞，呢个系新派上海野既食法，好不错！醋酱海蛰头海蜇食得多，但海蜇头就少食D，大大块咁，咬落口感仲正过普通海蜇！海蜇头配上浙醋更加带出佢既鲜味，而且个底仲有好多青瓜，配埋D浙醋食好好味啊！果然夏天食正餐前都要叫D冷盘黎开下胃，即刻食欲大增啊！招牌小笼包食完冷盘又点可以唔食呢度既招牌小笼包呢！本来我想叫不同口味既小笼包试下㗎，不过老妈话
揾下揾下，记得好耐之前，同朋友食过乐天皇朝都唔错，一于去试下先！其实佢都有好多分店，不过最方便的始终系尖沙咀，所以BOOK左加拿芬道果间食夜晚！好在果晚BOOK定位先咁快入得去咋，唔系既话超多人等位，都唔知要排到几时。
今餐阿爸话无乜所谓，除得我地排版，话佢乜野都食㖞！既然系咁我就叫D特别少少既，起码平时少食D啦！例牌食上海野，一定系前菜冷盘食先啦。我今次叫左"芝麻酱油麦菜" + "醋酱海蛰头".
芝麻酱油麦菜
呢个好特别，油麦菜系冷盘黎㖞，用青瓜片将油麦菜卷成一条条咁，点芝麻酱食！咬落索索声好脆口，口感好清新，有D带苦既油麦菜配上芝麻酱又好MATCH㖞，呢个系新派上海野既食法，好不错！
醋酱海蛰头
海蜇食得多，但海蜇头就少食D，大大块咁，咬落口感仲正过普通海蜇！海蜇头配上浙醋更加带出佢既鲜味，而且个底仲有好多青瓜，配埋D浙醋食好好味啊！果然夏天食正餐前都要叫D冷盘黎开下胃，即刻食欲大增啊！
招牌小笼包
食完冷盘又点可以唔食呢度既招牌小笼包呢！本来我想叫不同口味既小笼包试下㗎，不过老妈话小笼包就当然要食原味㗎啦，所以就叫返招牌果只算㖞！呢度既小笼包果然唔错，汤汁好清，而且皮好薄又唔易穿㖞！咬落去果下D皮好弹牙，而肉质好嫩，正！而且小笼包真系有18折㗎，果然跟足正宗做法啊！
皇朝话梅骨
个样望落去好似深色既京都骨咁，但系食落去阵味又完全唔同㖞，有好香既话梅味，而且个汁甜甜地酸酸地咁，挂系每一粒骨上去，真系好正！每粒话梅骨都有肉带住少少骨，吮D骨既时候话梅味仲正！
松子鲜果桂鱼
终于黎到主菜啦！食上海野又点少得松子鱼呢，呢度既松子鱼用桂鱼正，肉质好鲜嫩，而且炸得好酥脆，口感一流！不过呢度既松子鱼最正既系个汁，果甜酸汁既味度真系较得刚刚好，酸甜味适中，而且上面耍满松子，又有我最好既菠萝提鲜，真系好YUMMY呢！
担担面
食完个主菜松子鱼，其实都饱饱地，不过都要叫D面食下既！阿爸最钟意食担担面，虽然好BASIC，但又点可以唔试下呢！呢度个面底好靓，咬落好弹牙，而且个担担面个重点始终系个芝麻同花生味好浓好浓，所以汤底真系好香浓，好味到我连汤都饮埋！
豆沙窝饼 & 擂沙汤圆
食到饱饱，咁当然唔少得甜品时间啦！阿爸始终系钟意D经典野，所以都系叫返豆沙窝饼，但我最LIKE擂沙汤圆，所以点可以唔叫呢，所以一于叫两样都试下！
豆沙窝饼都唔错，煎得好脆，豆沙味好浓，不过豆沙如果再饱满D就仲正啦！至于擂沙汤圆呢，就更加好味，糯米好烟韧弹牙，咬落去有劲多芝麻溶，真系好满足啊，果然系卖飞忽！
呢餐真系食得好饱饱啊，阿爸话下次可以再来！不过下次可以试佢旁边果间，食东南亚野既，呵！
张贴
