邊澗鐵板燒日本料理 (已結業)

老公话佢老板推介去湾仔食铁板烧,仲话一定要带我去试吓,我梗系话好啦,虽然我两个星期前先系大板食完神户牛不过我真系超钟意食日本菜!坐低叫咗个冻蕃茄,佢个芝麻酱好香仲有少少芥辣汁,好好味!鱼生我叫咗我必食嘅赤贝,平贝(好似大带子不过爽好多)两样都好新鲜,另外鱼鲷就系师傅推荐嘅,佢话系立鱼嘅一种,有个秘制酸汁好夹个鱼!唔会无哂鱼味,仲有个豉油唔会死咸(又系秘制)出面有D鱼生豉油咸到食乜都味抵赞!拖罗唔算入口即溶,不过脂肪平均有口感.烟吞拿鱼有惊喜入口似牛肉配红酒一流!铁板牛柳肉质好冧我哋要三成佢都控制得到,反而神户仲煮得太熟又咸.个虾好弹牙个蚬汤我哋无叫系师傅送嘅,好清甜.跟住老公话唔饱叫多个炒饭..一样食哂.整体都值得再去食!我写嘅时候先睇到之前有人话服务好差,如果我睇咗先一定唔嚟试,咁我就食唔到咁正嘅铁板烧啰,其实我哋成晚都feel唔到有唔好服务啰!鱼生师傅同其他waiter都好好人㖞!