車仔麵之家 (已結業)

有时真系会好挂住呢到既车仔面，无论系佢好正既𩠌定汤底，虽然地理位置唔就脚，但长途跋涉都一定要食！友人极爱食呢到既甜酸斋，而我至爱的是它的鱿鱼。今次嗌左三𩠌，分别系鱿鱼丶甜酸斋同酿豆卜。我对面就冇咩要求，拣左个平时食开既油面！强烈推介大家要嗌埋辣，因为真系 好～惹～味～架～呢到系自助形式，系门口嗌𩠌比钱，然后再听嗌number 攞面。如果嗌左野饮，就系隔离个饮品柜到自己拎！鱿鱼真系好脆好入味，每次都系我必嗌。另外都推荐大家试试佢既酿豆卜，入面包住虾肉浆，豆卜就大大粒，但肉浆就得好少，但真系好味。仲可以用个豆卜索汤，正！甜酸斋都系每次必食。友人试过讲笑话，冇晒甜酸斋做咩仲开舖！🤣酸酸甜甜真系好好食，我都会将佢摆落啲汤到索下先再食！一碟甜酸斋既份量都不少，有成七旧架！一定要嗌！唔洗惊食完会口渴，因为个汤底唔似有落味精。但三𩠌都包野饮，除左港式饮品，仲有汽水同菊花茶。呢个价黎讲真系抵到烂！🤣