真心 (已結業)

今日同上司去中环见客，个会议系苏豪区果边，走嘅时候上司话请埋我食晚餐，我当然却之不恭啦😂我地系附近揾餐厅开餐，一直行到士丹顿街都冇乜idea，刚好见到一间新开张嘅日式餐厅，装修精美，上司就决定走入去try try。餐厅环境唔错，柔和嘅灯光、墙身水画图案同深啡色嘅摆设都配合得唔错，我地坐左系近街道嘅位置，街道其实唔算多人，仲有靓靓跑车泊左系到，对面系酒吧，附近高楼大厦唔多，环境几清幽，系到品尝美食非常写意。😌刺身拼盘A天气咁热，上司话头盘当然要先食个刺身啦，呢个刺身拼盘有三文鱼、带子、北寄贝同八爪鱼。刺身好鲜甜，最惊喜系估唔到八爪鱼同北寄贝味道都好鲜而且有口感之余唔会太韧，质素非常高。👍原条鳗鱼饭 鳗鱼一直都系我嘅最爱，148蚊大大份，原条鳗鱼配日本珍珠米饭，个饭仲大过我个拳头，米上面洒满木鱼碎，鳗鱼非常厚身嫩滑，整体味道非常好，赞。👍总括而言，餐厅环境、食物质素都非常高，虽然餐厅系苏豪美食区但价钱亲民，份量又足。另外服务亦相当到位，一入餐厅时侍应姐姐见我地咁热，一坐低就即刻问我要唔要一杯冻水，十分贴心。😚