影片
更多
2019-01-24
63 浏览
今个冬天都未食过鸡煲，趁呢几日凉左，就过左去长沙湾嘅逸翠轩食鸡煲啦！餐厅位于青山道，邻近长沙湾地铁站，地点尚算方便。餐厅装修都几别致，感觉好似酒楼晚市鸡煲任饮任食每位都系$168，包左点心拼盘、鸡煲、火锅同任饮饮品，仲免收茶芥、免收加一服务费，好超值啊！先来左个点心拼盘，有烧卖、潮州粉果同鲜虾菜苗饺。烧卖啖啖肉；鲜虾菜苗饺好出色，晶莹通透，皮薄馅靓！然后鸡煲就黎啦！两个人有半只鸡，份量都几多，鸡髀、鸡胸、鸡翼样样齐！鸡肉软滑入味，辣度适中，都几香口！食到咁上下就可以加汤打边炉，店员随即奉上火锅汤底同配料。火锅配料拼盘都几丰富，有肥牛片、豚肉片、鲜虾、蔬菜、鲜鱼片、杂锦丸类等等。豚肉片猪肉味浓郁；肥牛好软腍，充满牛肉香！各式丸类质素都不错，最欣赏系当中嘅牛丸同猪肉丸，几好食啊！总括而言，每位$168就有咁多野食，真系物超所值啊！
晚市鸡煲任饮任食每位都系$168，包左点心拼盘、鸡煲、火锅同任饮饮品，仲免收茶芥、免收加一服务费，好超值啊！
先来左个点心拼盘，有烧卖、潮州粉果同鲜虾菜苗饺。烧卖啖啖肉；鲜虾菜苗饺好出色，晶莹通透，皮薄馅靓！
然后鸡煲就黎啦！两个人有半只鸡，份量都几多，鸡髀、鸡胸、鸡翼样样齐！鸡肉软滑入味，辣度适中，都几香口！
食到咁上下就可以加汤打边炉，店员随即奉上火锅汤底同配料。火锅配料拼盘都几丰富，有肥牛片、豚肉片、鲜虾、蔬菜、鲜鱼片、杂锦丸类等等。豚肉片猪肉味浓郁；肥牛好软腍，充满牛肉香！各式丸类质素都不错，最欣赏系当中嘅牛丸同猪肉丸，几好食啊！
总括而言，每位$168就有咁多野食，真系物超所值啊！
张贴
