天然酵母麵包店 (已結業)

今日黎元创坊，其实都系想黎呢度食下午茶。可惜我想试嘅焦糖甜品今日冇，就拣咗牛角包，妈妈拣咗香橙朱古力包，堂食唔洗加钱。老板一家人都好友善，倒咗柠檬西柚水俾我地饮，感觉好清新健康。面包焗热返，牛角包外脆内软，好香牛油味！一层层好足料。香橙朱古力包质感比较实同硬，淡淡橙味，唔会太甜。我就钟意牛角包多啲。食食下老板嘅爸爸切咗个啤梨俾我地食！好甜好多汁。入黎呢间餐厅食野觉得好温暖，入面嘅人都好亲切。餐厅环境好光猛同舒适。之后佢仲好耐心咁同我地介绍面包，我地买咗sourdough rye,$55一个，可以室温放两日，或者放雪柜一星期。店内嘅面包师傅会喺七月中租埋隔离嘅舖位焗面包，以后有机会会再黎！