新明發食家 (已結業)

呢排突然好钟意食云吞面，今日放工之后就去咗广福里嘅新明发试吓…其实呢头确实有好多点心+面嘅舖头，因为见呢间门口成日都有条龙，所以决定一试。比起其他茶餐厅，呢间算系“市正”啲。有卡位，亦有啲装饰咁。睇睇餐牌之后，当然系order番我想食嘅云吞面啦。其实呢度同其他茶餐厅差唔多，都系有碟头饭、面咁；不过原来呢度出名嘅系盅头饭，等食期间不停有一大笼一大笼嘅盅头饭同点心出炉，好多食客都系食呢两样嘢，食完仲要外卖添，下次一定要试吓XP面到喇！哗，加咗腩汁，比平时食开嘅深色。个汤味道好浓，但可能系因为我嗌咗多腩汁嘅关系，食落有少少喊。面质弹牙，而云吞亦真材实料，有鲜虾，唔会有肥猪肉。最意想不到嘅系竟然连条菜都好淋，好入味，正！爱辣嘅我当然要加辣油啦！呢度嘅辣油都好食㖞，够辣得嚟又脆脆地，同热辣辣嘅腩汁云吞面确实系perfect match ^^唔知点解总系觉得大埔啲面舖特别好食，而且仲只系$19一碗，唔怪得咁多人帮衬啦！