張公館

营业中

休息中

自从去咗澳门工作之后，我同屋企人见面嘅时间少左好多，更何况一齐食饭。今日难得放假返左香港同老豆饮茶，地点系老豆返工附近既张公馆。茶壶下面有蜡烛一直坐热，令客人可以一直饮到热辣辣嘅茶。刚好今日落雨出面好冻，呢种体贴更令人深刻🥰一坐低就上左两款前菜包括酸乔头同炸鱼仔。- 香茜叉烧肠肠粉非常香滑，叉烧同香茜好夹，叉烧味道香甜但有少少腻，香茜刚好可以降低叉烧既腻，而且有一种清新的感觉。- 鱼汤鲜竹卷鱼汤好鲜甜，而鲜竹卷完全索晒鱼汤嘅精华，入面嘅鲜虾好弹牙，再加上入面嘅萝卜丝同木耳丝，味道非常出色💯- 咸水角外皮好香脆，而且比起其他茶楼食到既更加烟韧，入面馅料好丰富，整体味道微甜。- 奶皇包奶皇包一笼有三件，非常松软，入面馅料微甜同时充满奶香，可惜入面馅料唔系流心。- 蟹籽麻辣烧卖烧卖好大粒非常饱满，麻辣味嘅烧卖真系第一次食，辣度中等，食落几过瘾。- 养眼红枣糕口感软糯而且唔黐牙，红枣味好突出，味道唔太甜。无论点心同景观都好出色，最紧要系老豆钟意🥰