La Kaffa (已結業)

今日放工后，去咗第一城揾嘢食，见到有间Cafe望落好似几唔错，就同男朋友坐低左。环境相当开扬，采用落地大玻璃设计，另外喺cafe出面、商场中心有更多座位。男朋友点左份「顶级安格斯烟肉牛肉蘑菇汉堡」，估唔到份量都几足够，有炸薯角、沙律，仲跟一碗餐汤，男朋友话食得饱佢㖞！我点嘅系全店最丰富嘅全日早餐，有特浓班尼迪蛋、法兰克福肠、辣味香肠、纽伦堡肠、牛仔肠、脆香烟肉、脆薯饼、炒蘑菇、粟米粒，每样仲要打孖上，相当丰富！餐汤系南瓜红萝卜忌廉汤，做得几出色，南瓜味好出。最令人惊喜嘅系个草莓沙冰，草莓味好浓，甜度恰到好处，好好饮啊！下次有机会再嚟，一定会试吓佢嘅意粉同埋冬日煲饭，价钱又唔贵，成日嚟都得啦！