Little Vegas

营业中

休息中

今晚同老公撑枱脚，去咗一间系铜锣湾附近楼上Cafe，订咗枱去食。我叫左3款口味既鸡翼好多重奏🩷🩷🩷🩷🩷有麻辣，玫瑰，水牛味。佢麻辣味几过瘾，佢唔会太辣，又做到个麻香味。岩晒我呢啲食唔到太辣既人。佢玫瑰味系甜甜地既蜜糖味再加啲玫瑰味同埋面上有少少食用嘅玫瑰花瓣几香。水牛味就系酸酸辣辣，少少甜味。整体嚟讲各有特色岩晒啲有选择困难症既我，又可以试多几款口味。黑松露野菌意粉🩷🩷🩷🩷🩷冇谂过平时啲黑松露意粉食完都有啲漏，但系呢个系完全唔漏。佢系冇乜忌廉汁，所以可能无咁漏。但系又食到好浓嘅黑松露味，而且佢啲菇类既味道都唔会比黑松露遮晒，好挂汁。同埋我哋叫咗孖宝pizza🩷🩷🩷🩷🩷蒜香辣肉肠沙茶风味同北京填鸭风味烟鸭胸pizza,佢个蒜蓉味同辣肉肠都好夹，而且佢加咗啲沙茶酱落去食落甜甜轻微辣辣地，好惹味，佢系完全唔会遮晒蒜蓉味同沙茶酱味。佢个北京填鸭风味烟鸭胸，佢有黄椒同埋烟鸭胸再食到啲甜甜地嘅北京填鸭味同埋甜酱味冇谂过Pizza都有呢啲风味咁特别，创新得来又几好食㖞，估唔到真系有惊喜。叫做两句蜜桃柠檬茶🩷🩷🩷🩷🩷清新得黎，甜甜酸酸好开胃。唔怪得咁多人推介了。果然无介绍错。