牛站(駅)麻辣火鍋放題

营业中

休息中

几个朋友聚餐，任食火锅系我地首选，相约在观塘道亚太中心6楼嘅牛站，晚上六点半已几乎满座，今日选中间嘅2号餐，再拣冬瓜瑶柱猪骨锅及龙虾头锅。猪骨锅有冬瓜同大大件猪骨比较清甜，龙虾头锅有成只龙虾头，越滚越香浓。🤩可选4款牛，美国极黑和牛片，安格斯牛板腱，封门柳同牛肩胛片，有牛味浓有软滑，各有优点，除咗牛肉外猪梅肉片我觉得系几好食，肉味浓又腍，一啲都唔梅。🤣帆立贝、海虾、田鸡腿、花胶、海参脆鲩鱼片，仲有爽脆墨鱼都好食，烧乳鸽皇好嫩滑即叫即炸。自助区有多款饮品，甜品，名牌雪糕同样任饮任食，有很多火锅配料，丸类，蔬菜，凉拌小食。选择之多一次系食唔晒，我地几个都食得好满足。