朗逸餐廳

营业中

休息中

之前去过呢间酒店食过中式炒粉面， 印象非常不错， 环境也舒服优雅。 今次决定再去光顾， 但试下西式。今次晏昼食lunch，比平时多人。 我点咗佢个西冷扒餐， 虽然餐单上面冇写配饭意粉薯菜， 但其实你可以叫佢加， 唔会额外收费， 叫冻饮亦都系同价。 今次我叫咗薯菜， 嚟嘅唔系普通煎薯条， 而系三块炸薯饼。一开始嚟嘅系南瓜汤， 虽然你见唔到有任何汤料， 但食落口非常浓郁细滑， 口感一流。一般平时去普通嘅西餐厅， 有阵时西冷扒会过份薄， 咬落口又好咸好硬。 但呢间餐厅嘅西冷扒出奇地厚身，肉感口感丰满， 能够保留住肉汁嘅鲜味， 切开嘅时候依然是淡淡的粉红色， 保持到肉质嘅嫩滑。 本身都担心份量太细，可能唔够饱， 但食完啱啱好。 总括而言， 呢间餐厅嘅西式扒餐有很不错的水准。