十三么

营业中

休息中

十三么在美孚已经开了一段时间。 今日有时间，落去支持下。店舖位于一条商场小巷内，十二点落到去，已经排晒队。 幸好隔离车轮饼小姐的热潮稍为减退，如果唔系两条队就可以打爆条巷。35蚊有三个𩠌，仲有几块生菜畀你，其实真系好抵食。今日叫咗牛筋、猪肠、同埋鸡肾幼面，加辣汁真系好味道不得了。先讲牛筋，每条都系好完整嘅一条，唔似有啲舖头碎上，夹都夹唔到。而且炆得恰到好处，唔太淋又唔太硬，非常有咬口。猪肠就每条都系好厚身，而且冲洗得好干净， 完全冇肥膏同埋啲骚味。鸡肾就大大块，有成块叉烧咁大，食落口完全唔觉得硬。返到屋企再开罐 Coke Zero 配呢个好味车仔面，正呀!